Presentazione

Eccu vi un primu pacchettu di cartifigure per a classa.

Propiu adatti à i ciculi dui è trè, isse carte pruponenu quasi duie centinaie di parolle, scumpertute in sette prime tematiche signalate da un culore sferente.

Una faccia di a carta ghjè u disegnu, a figura, l’astra ammenta a parolla in varianti supranaccia è suttanaccia. 

I temi di l’animali è di a natura sò arricchiti da strufette è filastrocche chì sviluppanu primi passi cù e strutture di lingua in l’aghja di a puesia zitellesca.

Canopé di Corsica vi prupone di ritruvà suggestioni d’esercizii è d’accumpagnamentu per isse cartifigure nant’à u so situ « Educorsica ».

Lasciate vi purtà da i disegni di Sarah Jossen, da i galabbi di l’assestu di Fabienne Terrone Cianfarani, è da i puemi di Sonia Moretti per una stonda di cummunicazione cù i culori di a vita è quelli (svariati) di a lingua, chì face ribumbà e parolle è inghjenna frasucce è frasoni !